Taldyqorǵanda taǵy 30 «Sergek» kameralary ornatylmaq

TALDYQORǴAN.QazAqparat - Taldyqorǵanda taǵy 30 «Sergek» kameralary ornatylmaq, - dep habarlaıdy QazAqparat tilshisi.

Búginge deıin Taldyqorǵanda kólik júrgizýshileriniń jol erejelerin saqtaýyn qamtamasyz etip, joldaǵy qaýipsizdik máselesin qadaǵalaý maqsatynda 5 kóshede «Sergek» beınebaqylaý kameralary ornatylǵan bolatyn. Olar: Balpyq bı – Jansúgirov, Úshtóbe tasjolynyń Batys bóligi men Almaty tasjolyna shyǵa beriste, Jansúgirov kóshesindegi Polıtehnıkalyq kolledj janynda jáne Birjan sal men Gaýhar ana kósheleriniń qıylystarynda ornalasqan.

«Komıssııanyń sheshimimen qosymsha jol-kólik oqıǵalary jıi tirkeletin ári qaýipti jol ýchaskelerine qosymsha 30 «Sergek» kamerasyn, 100 jalpy baqylaý kameralaryn, 25 jyldamdyqty qadaǵalaýǵa arnalǵan beınekameralar ornatý máselesi sheshildi», - dedi Taldyqorǵan qalasynyń ákimi Áset Masabaev.