Taldyqorǵanda sýretshilerdiń halyqaralyq pleneri ótti
ASTANA. QazAqparat - Almaty oblysynda shet elden jáne respýblıkanyń túkpir-túkpirinen jınalǵan sýretshilerdiń pleneri bastaldy, dep habarlaıdy ákimniń baspasóz qyzmeti.
Qazaqstannyń halyq sýretshisi Aısha Ǵalymbaevanyń 100-jyldyq mereıtoıyna arnalǵan kásipqoı sýretshilerdiń jumystarynan jınaqtalǵan plener «Týǵan jerim - tuǵyrym» dep atalady.
BıylQR Sh.Ýálıhanov atyndaǵy Memlekettik syılyǵynyń laýreaty, «Qurmet belgisi», «Eńbek Qyzyl tý» ordenderiniń ıegeri, esimi Respýblıkanyń qurmetti Altyn kitabyna jazylǵan, Qazaqstan ónerin damytýǵa qosqany úlesi úshin, «Tarlan» syılyǵyn alǵan - Aısha Ǵalymbaevanyń týǵanyna 100 jyl. «Týǵan jerim - tuǵyrym» halyqaralyq kásipqoı sýretshilerdiń pleneri osy mereıtoı qarsańynda, «Rýhanı jańǵyrý» baǵdarlamasy aıasynda uıymdastyrylyp otyr.
Sharanyń negizgi bóligi Tekeli qalasynda ótti. 9 qazannan bastap Jetisý jeriniń ásem tabıǵatyn beınelegen sýretshilerdiń eńbeginen 18 qazanda, taldyqorǵandaǵy Oqýshylar saraıynda kórme uıymdastyryldy. Qylqalam sheberleri ózara tájirıbe almasyp, kúzdiń ásem boıaýlaryn beınelegen plenerge Qyrǵyzstan men Qytaıdan jáne Astana, Almaty, Pavlodar qalalary men Batys Qazaqstan oblysynan sýretshiler kelgen. Almaty oblysynyń qylqalam sheberleri de sharadan shet qalǵan joq.
Plenerdiń jabylý saltanatyna Almaty oblysy ákiminiń orynbasary jaqsylyq Omar qatysyp, sýretshilerge jyly lebizin bildirdi. Ol óz sózinde: «Sýretshi bolý - kez-kelgenge buıyra bermeıtin daryn. Ekiniń birinyń qolynan kelmeıtin, óte qıyn sala. Sondyqtan da, biz aınalamyzda júrgen talanttardy baǵalap, olardyń ónerin barynsha nasıhattaýǵa tıispiz. Shet eldik jáne respýblıkalyq qylqalam sheberlerin Jetisý jerine shaqyrǵandaǵy maqsatymyz da osy. Eń áýeli, Jetisý ólkesiniń baı tabıǵatynda shabyttaný da keremet sezim dep bilemin!», - dedi.
Halyqaralyq plenerge QR kórkem akademııasynyń prezıdenti, QR sýretshiler odaǵynyń Almaty oblystyq fılıal dırektory - Ermuhan Júnishan da qatysty. Akademık plenerge joǵary baǵa bere alatyndyǵyn aıtty. Sondaı-aq, ol: «Men kóp elderde boldym. Ónerdiń balyn ishken elderde de mundaı ásem tabıǵat bola bermeıdi. Bizdiń talantty sýretshilerge osyndaı múmkindik berilip otyrǵanyna rızamyn. Jaǵdaı jasalǵan, kórinisi kórkem jerde tamasha týyndy salmaǵanda ne isteısiń?! Bul keler urpaqqa da estelik bolyp qalar, úlken jıyn boldy. Birneshe sýretshi birigip, úlken kartına jasadyq, osy oblysqa tabystaıtyn bolamyz. Óıtkeni, Qazaqstandyq jáne shet eldik sýretshilerdiń basy kúnde qosylmaıdy»,- dep aǵynan jaryldy.
Eske salaıyq, qylqalam sheberleri osy kúnder aralyǵynda salǵan sýretterin Almaty oblysy «Kórkemóner galereıasynyń» qoryna tabystady. Endi Almaty oblysynyń turǵyndary men qonaqtary plenerge qatysýshylardyń eńbekterin atalmysh galereıadan tamashalaı alady.
