Taldyqorǵanda sýǵa batqan qyzdyń denesi alty kúnnen soń tabyldy
TALDYQORǴAN.QazAqparat - Taldyqorǵanda 6 kún buryn sýǵa aǵyp ketken 2004 jylǵy Aınagúl Sqaqbaı Nurjanqyzynyń múrdesi tabyldy. Jasóspirimniń denesi Qaratal ózeninen shyǵaryldy, dep habarlaıdy QazAqparat tilshisi.
«Qyz balanyń aıaǵy tasqa tirelip qalǵan. Múrdeni Tótenshe jaǵdaılar departamentiniń qutqarýshylary tapty», dedi Almaty oblystyq TJD baspasóz qyzmetiniń ókili Azamat Jurtbaev.
Aıta keteıik, 5 shilde kúni 14 jastaǵy Aınagúl Qaratal ózenine aǵyp ketkenin habarlaǵan bolatynbyz. Oqıǵaǵa onyń 7 jáne 11 jastaǵy týystary kýá bolǵan. Jasósipirmniń denesin izdeýge 300-ge jýyq adam jumyldyrylǵan bolatyn. Olar alty kún boıy ózenniń arnasyn buryp, izdeý jumystaryn qarqyndy júrgizdi. Balany izdeýde eriktiler de belsendilik tanytty.
