Taldyqorǵanda stýdentterdi tonaǵan er adam ustaldy
TALDYQORǴAN. QazAqparat - Taldyqorǵanda kámeletke tolmaǵan stýdentterdi qorqytyp, baǵaly zattaryn kúshtep tartyp alýmen aınalysyp júrgen 25 jastaǵy azamat ustaldy. Kúdiktini teksere kele onyń buryn urlyq jasaǵany úshin sottalǵany anyqtaldy, dep habarlaıdy QazAqparat tilshisi.
Quqyq buzýshy oblys ortalyǵyna jaqyn ornalasqan Qaratal aýdanynyń azamaty bolyp shyqty. Kúdikti esh jerde jumys istemegen. Qazirgi tańda anyqtalǵany ol qaladaǵy eki kolledjde bes stýdenttiń qymbat uıaly telefondaryn tartyp alǵan.
Almaty oblystyq Polıtsııa departamenti baspasóz qyzmetiniń habarlaýynsha, tártip saqshylary kúdiktini qalalyq polıtsııa bólimine qamaýǵa aldy. Qazirgi tańda sot aldy tergeý amaldary júrip jatyr. Kúdiktiniń osyǵan uqsas basqa da qylmystarǵa qatystylyǵy tekserilýde.
