Taldyqorǵanda «Sóz sultany - Sultanmahmut» atty jyr keshi ótti
TALDYQORǴAN.QazAqparat - Taldyqorǵanda «Bir el - bir kitap» aktsııasy aıasynda «Sóz sultany - Sultanmahmut» atty jyr keshi ótti. Sharanyń ótýine ortalyq balalar kitaphanasynyń ujymy uıytqy boldy, dep habarlaıdy QazAqparat tilshisi.
Shara maqsaty balalardyń poezııaǵa degen qyzyǵýshylyǵyn arttyrý, óleńdi mánerlep oqýǵa úıretý. Aqynnyń ómiri men shyǵarmashylyǵy jaıly nasıhattaý. Jańa oqý jylynda alǵash ret uıymdastyrylǵan keshke shahardaǵy qalalyq №2 orta mekteptiń oqýshylary qatysty. Sultanmahmut Toraıǵyrovtyń óleńderin jatqa oqydy. Nebári 27 jyl ómir súrgen aqyn lırıkalyq óleń, ondaǵan maqala, eki roman, 6 poema jazyp ketti. Jyr keshinde «Qarańǵy qazaq kógine, Órmelep shyǵyp, kún bolam!» degen rýhty jyrlarymen máńgi óshpes iz qaldyrǵan aqynnyń jaryqqa shyqqan kitaptary da tanystyryldy. Bes bólimnen turatyn kórme uıymdastyryldy. Aıta keteıik, qalalyq ortalyq balalar kitaphanasynyń 120 myńnan asa kitap qory, sonymen qatar, 6 myńǵa jýyq oqyrmany bar.
