Taldyqorǵanda sońǵy eki aptada 1230 adamnan «COVID-19» anyqtaldy
«Jetisýdyń bas shaharynda ótken táýlikte 73 turǵynnan koronavırýs anyqtaldy. Al sońǵy 14 kúnde 1230 adam COVID-19 juqtyrǵany»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
Aıta keteý kerek, búgingi kúnge deıin «Ashyq» qosymshasy arqyly Taldyqorǵan qalasynda 302 kelýshiniń mártebesi anyqtalǵan. Onyń 267 qyzyl jáne 35 sary statýsty naýqastar ekeni belgili boldy.
Aýrýdan arylýdyń jalǵyz joly-ekpe. Oblys ortalyǵyna barlyǵy 94 myń doza vaktsına kelip tússe, onyń birinshi komponentin 53 967 turǵyn, ekinshi bóligimen 45 071 adam egildi.
Al, oblystaǵy jaǵdaı tipti basqa, ótken táýlikte 300 adam indettiń ilmegine ilingen. Aýrýdyń ósý qarqyny ázirge 0,7%-y qurap otyr. Balalar arasyndaǵy derttiń dendeýi údeı túsýde. Resmı málimetter, 14 jasqa deıingi 51 balanyń vırýs juqtyrǵanyn kórsetýde.