Taldyqorǵanda shoıyn qaqpaqtardy urlaǵandar ustaldy
TALDYQORǴAN. QazAqparat - Taldyqorǵanda shoıyn qaqpaqtardy urlaǵan eki azamat ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Aldabergenov kóshesindegi úsh shoıyn qaqpaqtyń urlanǵany jaıynda qaladaǵy kommýnaldyq kásiporyndardyń biriniń qyzmetkerleri aryzdanǵan. Shyǵyn mólsheri alpys myń teńge kóleminde baǵalanǵan.
Polıtseıler kúdiktilerdiń izine túsip,olardyń 40 jáne 54 jastaǵy oblys ortalyǵynyń turǵyndary ekenin anyqtady. Olardyń biriniń úıinen polıtsııa qyzmetkerleri metall qabyldaý pýnktine daıyndalǵan, jábirlenýshi uıymnyń ókilderi tanyǵan erekshe belgileri bar eki shoıyn qaqpaqty tapty. Sonymen qatar tártip saqshylary urlanǵan zattardy satyp alyp júrgen 64 jastaǵy jergilikti azamatshany anyqtap, tintý kezinde odan taǵy úsh qaqpaqty tárkiledi. Bulardy kúdiktilerden satyp alǵany da belgili boldy.
Metall urylarynyń aıtýynsha, «óz isterine» keshki saǵat segizden toǵyzǵa deıingi aralyqta, ıaǵnı qarańǵy túskende jeńil avtokólikterimen barǵan.
Qazirgi tańda kúdiktilerdiń ózge de qylmystarǵa qatystylyǵy tekserilýde. Ázirshe, tórt derekke qatystylyǵy dáleldengen. Olar árqaısysy 40 kelige jýyq salmaq tartatyn 8 shoıyn qaqpaqty da urlaǵan. Kúdiktilerdiń biri múgedektigine baılanysty meken-jaıyn ózgertpeý týraly qolhatpen bosatyldy. Ekinshisi ýaqytsha ustaý oqshaýlaǵyshyna qamaldy.
