Taldyqorǵanda «Shoqjuldyz izimen» ekspedıtsııasy saparǵa shyqty
TALDYQORǴAN. QazAqparat - Búgin Taldyqorǵanda «Shoqjuldyz izimen» atty tarıhı-tanymdyq ekspedıtsııa saparǵa shyqty. Top músheleri áıgili ǵalym, etnograf, tarıhshy Shoqan Ýálıhanov júrgen jerlerge barady. Jospar boıynsha alǵashqy sapar Semeı qalasynan bastalady, dep habarlaıdy QazAqparat tilshisi.
«Shoqjuldyz izimen» atty tarıhı-tanymdyq ekspedıtsııa Elbasynyń «Bolashaqqa baǵdar: Rýhanı jańǵyrý» baǵdarlamasy aıasynda quryldy. Maqsat, goegoraf, aǵartýshy Shoqan Ýálıhanov júrgen jerlermen júrip, ár jerdi ǵalymmen ne baılanystyratynyn anyqtaý, tyń derekterdi nasıhattaý bolyp tabylady. Birinshi kezekte top músheleri Semeı shaharyna baryp, qalanyń tarıhı oryndaryn aralaý josparlanǵan. Shoqan Ýálıhanovpen bul qalany qandaı oqıǵalar baılanystyryp tur degen saýaldarǵa jaýap izdep, ekspedıtsııa músheleri Aıagóz aýdanyndaǵy áıgili Qozy Kórpesh-Baıan sulý kesenesine soǵýdy josparlap otyr. Odan keıin sapar Almaty oblysynda jalǵasady dep kútilýde. Uıymdastyrýshylar keler jyly qoldaý tabylyp jatsa Shoqannyń izi qalǵan Qyrǵyzstanda, Reseıdiń Omby qalasynda jáne Qashǵarııaǵa baryp qaıtpaq.
Ekspedıtsııa quramynda fılologııa ǵylymdarynyń doktory, professor Muratbek Imanǵazınov, Qazaqstan ulttyq arnasynyń menshikti tilshisi Qýanysh Qanatuly, Jetisý telearnasy men Ognı Alataý gazetiniń ókilderi, tanymal fotograf Jeńis Ysqabaı bar.
Esterińizge sala keteıik, buǵan deıin Taldyqorǵanda «Shoqjuldyz izimen» atty tarıhı-tanymdyq ekspedıtsııa qurylǵanyn habarlaǵan bolatynbyz.
