Taldyqorǵanda sheteldik kóligin zańdastyrǵan turǵyn 2 mln teńge únemdegenin jetkizdi
Búgin Taldyqorǵan qalasynyń turǵyny, 35 jastaǵy Dına Qaldybek 2022 jyly Grýzııadan ákelingen kóligin tirkedi.
«Kólik Amerıkadan Grýzııaǵa jetkizildi. Grýzııadan Qazaqstanǵa alyp kelgende kedendik rásimdeý men salyǵyna shamamen 1 mln 850 myń teńge tóledik. Al biz Grýzııadan alǵan kólik Lexus nx 200t markaly, 2016 jyly shyqqan. Grýzııadan 24 myń dollarǵa aldyq. Kólikti zańdastyrý úshin 2,3 mln teńgege jýyq qarjy tóleıtin edik. Memleket basshysynyń tapsyrmasynyń nátıjesinde men 200 myń teńge ǵana tóledim. Taldyqorǵandaǵy mamandandyrylǵan halyqqa qyzmet kórsetý ortalyǵynda kóligimdi eki saǵattyń ishinde zańdastyryp aldym. Prezıdenttiń tapsyrmasymen jasalǵan jeńildik bizge úlken kómek boldy. Búgingi kún men úshin mereke syndy», – dedi Taldyqorǵan qalasynyń turǵyny Dına Qaldybek.
Eske salaıyq, búgin, ıaǵnı, 23 qańtar Qazaqstanda sheteldik kólikterdi zańdastyrý naýqany bastaldy.
Kez kelgen kólik ıesi bul naýqandy paıdalana alady jáne zańdastyrýǵa ótinish bere alady.