Taldyqorǵanda shetel azamatyn óltirdi degen kúdikpen jergilikti turǵyn ustaldy
TALDYQORǴAN. QazAqparat - Taldyqorǵan qalasyndaǵy kópqabatty úılerdiń biriniń jertólesinen ólgen adamnyń máıiti tabyldy. Qazir osy qylmysty jasady degen kúdikpen 48 jastaǵy taldyqorǵandyq turǵyn ustaldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, qandy oqıǵa 16 jeltoqsan kúni bolǵan. Al kúdikti 20 jeltoqsanda qolǵa túsken. Anyqtalǵandaı, qaıtys bolǵan adam 56 jastaǵy Taldyqorǵan qalasynyń týmasy eken. Ol birneshe jyl buryn shetel azamattyǵyn alǵan bolyp shyqty.
«Jedel-izdestirý sharalary barysynda Taldyqorǵan qalasynyń polıtseıleri 48 jastaǵy jergilikti turǵyndy ustady. Kúdikti aýyr qylmys jasaǵanyn jasyrmaıdy. Belgili bolǵandaı, eki azamat alkogoldi ishimdik iship otyryp, ózara kelispeı qalǵan. Oqıǵa sońy adam ólimimen aıaqtalǵan. Qazir atalǵan fakti boıynsha QR QK 99-baby («Adam óltirý») boıynsha sotaldy tergeý júrip jatyr», - dep málimdedi atalǵan vedomstvodan.
Qazir kúdikti ýaqytsha ustaý ızolıatorynda qamaýda otyr.
