Taldyqorǵanda sheneýnikterge zańsyz berilgen páterler qaıtyp alynady

TALDYQORǴAN. QazAqparat – Taldyqorǵanda sheneýnikterden zańsyz alǵan páterlerin qaıtaryp alý jumystary júrip jatyr, dep habarlaıdy QazAqparat tilshisi.

«Páterdi zańsyz alǵan sheneýnikter, bıýdjet qyzmetkerleri úıdi tez arada memleket menshigine taıtarýy tıis. Eger olar óz erkimen ótkizbese, sot arqyly másele sheshilýi kerek.

Al, áleýmettik osal toptarǵa 10 jyl buryn berilgen úılerdi zańsyz dep tartyp alý ádiletsiz dep oılaımyn. Qarańyzdarshy, ol adam múgedek bolýy múmkin, tolyq emes otbasy, kópbalaly analar bolýy múmkin. Sondyqtan, zańsyz berildi dep, páterdi birden tartyp alýǵa bolmaıdy. Prokýratýra men Taldyqorǵannyń ákimdigi áleýmettik osal toptarǵa qatysty páterler máselesin zań aıasynda sheship berýdi qarastyrýy kerek», - dedi Jetisý oblysynyń ákimi Beıbit Isabaev Taldyqorǵan turǵyndarymen kezdesý barysynda.

Esterińizge sala keteıik, buǵan deıin Taldyqorǵanda myńnan asa baspananyń zańsyz berilgenin habarlaǵan bolatynbyz.

Qazir oblys ortalyǵynda 180 myń halyq bar. Al, baspana kezeginde 16 myńǵa jýyq adam tur.