Taldyqorǵanda shaǵyn ortalyqtyń ekinshi qabatynan kishkentaı bala qulap ketti
TALDYQORǴAN.QazAqparat - Búgin Taldyqorǵanda 2 jastaǵy bala ekinshi qabattyń terezesinen qulap ketti. Oqıǵa «Qarlyǵash» shaǵyn ortalyǵynda bolǵan, dep habarlaıdy QazAqparat tilshisi.
Qazir zardap shekken qyz aýrýhananyń jansaqtaý bóliminde jatyr.
«Atalǵan derek boıynsha qazirgi tańda QR QK 141 babyna sáıkes sotqa deıingi tergeý amaldary bastaldy. Tergeý barysynda tergeýdiń jan-jaqtylyǵy jáne tolyqqandylyǵy qamtamasyz etiletin bolady. Qylmystyq istiń tergeý jumystary oblystyq polıtsııa departamenti basshylyǵynyń qatań baqylaýyna alyndy», - dedi oblystyq Polıtsııa departamenti baspasóz qyzmetiniń ókili Serik Úpıev.
