Taldyqorǵanda segizinshi synyp oqýshysyn kólik qaǵyp ketti
TALDYQORǴAN. QazAqparat - Taldyqorǵanda segizinshi synyp oqýshysyn kólik qaǵyp ketti. Qazir bala jansaqtaý bóliminde jatyr, dep habarlaıdy QazAqparat tilshisi.
Jábirlenýshiniń ákesiniń sózinshe, oqýshyny qaqqan kólik júrgizýshi oqıǵa ornynan qashyp ketken. Keleńsiz jaǵdaı Taldyqorǵandaǵy Abaı men Ýálıhanov kósheleriniń qıylysynda saǵat 07:45 mınýt shamasynda bolǵan. Qazir balanyń ata-anasy áleýmettik jeli arqyly oqıǵany kórgen kýágerlerdi izdestirip jatyr.
«Kólik qaqqan oqýshy búgin tańerteń balalar aýrýhanasynyń jansaqtaý bólimine tústi. Qazir ony hırýrgııa bólimine aýystyramyz. Balanyń esh jeri synbaǵan. Jaǵdaıy ortasha aýyr» - dedi Almaty oblystyq kópsalaly balalar aýrýhanasynyń dırektory Marat Dosqalıev.
Oqıǵa bolǵan jerde baǵdarsham da, jaıaý júrginshige arnalǵan jolaq ta, baqylaý kamerasy da bar. Alaıda jol erejesin saqtamaǵan júrgizýshi jasóspirimdi qaǵyp qana qoımaı, jedel kómek kórsetkenniń ornyna boı tasalaǵan.
«Qazirgi tańda oqıǵa ornynan qashyp ketken júrgizýshini izdestirý jumystary belsendi júrgizilip jatyr. Ol úshin barlyq qajetti sharalar qolǵa alyndy. Nátıjesi boıynsha júrgizýshige qatysty zańnamaǵa sáıkes sharalar qoldanylady. Jaqyn ýaqytta izin sýytqan azamat qolǵa túsedi degen boljam bar»,- dedi Almaty oblystyq Polıtsııa departamenti baspasóz qyzmetiniń resmı ókili Aqbota Qýanyshbekqyzy.
