Taldyqorǵanda saýda ortalyǵy órtendi
TALDYQORǴAN. QazAqparat- Taldyqorǵan qalasynda saýda ortalyǵy órtendi. Qyzyl jalyn 4-shi shaǵyn aýdanda ornalasqan «Dáýlet» saýda úıiniń jemis-jıdek, kókónis satatyn pavılonyn sharpydy, dep habarlaıdy QazAqparat tilshisi.
Órtengen aýmaq 60 sharshy metr. Tótenshe jaǵdaılar qyzmetkerleriniń ýaqytyly jetip, jyldam áreket etýiniń arqasynda tilsiz jaý aýyzdyqtalyp, saýda ortalyǵynyń ózge bóligine tarap ketýine jol bermedi.
Almaty oblystyq TJD baspasóz qyzmetiniń ókili Azamat Jurtbaevtyń aıtýynsha, oqıǵa ornynda bir adam zardap shekken. Áıel azamatshanyń beti men qolyn kúıik shalyp, jedel járdem qyzmeti aýrýhanaǵa alyp ketken. Aldyn-ala boljam boıynsha órt baýyrsaq qýyryp, taýyq etin qaqtap satatyn dúńgirshekte tutanǵan. Shyǵyn kólemin arnaıy komıssııa anyqtamaq.
