Taldyqorǵanda salonynda jolaýshylary bar avtobýs órtendi

TALDYQORǴAN. QazAqparat - Taldyqorǵanda baǵdarda júrgen avtobýs kók tútinge oranǵan. Aıaldamaǵa toqtaı qalǵan avtobýstan jolaýshylar shyǵyp úlgergen, dep habarlaıdy QazAqparat tilshisi.

«Jetisý stadıony» aıaldamasynyń janynda bolǵan oqys oqıǵadan eshkim zardap shekpedi.

Tótenshelikterdiń málimetinshe, órt sóndirýshiler oqıǵa ornyna úsh mınýttyń ishinde jetip, lezde qoǵamdyq kólikti sóndirýge kirisken. Al turǵyndar Taldyqorǵandaǵy avtobýstardyń tozyǵy jetkenin aıtyp synǵa alýda.

Jalpy Almaty oblysynda bes aıǵa tolar-tolmas ýaqyttyń ishinde 71 kólik otqa oranǵan.

«Taldyqorǵan qalasyndaǵy «Transtal» JShS-na tıesili Yaxina markaly №25 baǵdarlyq avtobýstyń motor bóliginiń janǵandyǵy týraly kýágerlerden Almaty oblystyq TJD-nyń kezekshi qyzmetine habarlama kelip tústi.

Bastapqy boljam boıynsha kóliktegi órt motor bóligindegi elektr symdardyń qysqasha tuıyqtalýynan shyǵýy yqtımal», - dedi Almaty oblystyq TJD basqarmasynyń aǵa ınjeneri Gúlfara Áýelbekova.