Taldyqorǵanda rýhanı kerýen jolǵa shyqty
TALDYQORǴAN. QazAqparat - Taldyqorǵanda Elbasynyń «Bolashaqqa baǵdar: Rýhanı jańǵyrý» atty baǵdarlamalyq maqalasy aıasynda rýhanı kerýen jolǵa shyqty, dep habarlaıdy QazAqparat tilshisi.
Zııaly qaýym ókilderinen quralǵan top Almaty oblysyn aralap, 16 aýdan men 3 qaladaǵy aǵaıyn tynysymen tanysady. Sondaı-aq ózderi de Prezıdent maqalasyndaǵy baǵyttardy túsindirip, túrli mádenı jáne rýhanı mańyzy bar kezdesýler uıymdastyrady. Rýhanı kerýen quramyna ár túrli saladan 50-ge jýyq maman kirip otyr. Sapar barysynda jetisýlyqtar nazaryna sýret pen kitap kórmeleri, kontserttik baǵdarlamalar men «Dertke daýa-haq joly» atty qoıylymdar usynylmaq.
Kerýenge sát sapar tilegen oblys ákiminiń orynbasary Jaqsylyq Omardyń aıtýynsha, bul jalpy Rýhanı jańǵyrý baǵdarlamasy aıasyndaǵy 100-den astam jobanyń biri. Sharanyń maqsaty Qazaqstan halqynyń dástúrli rýhanı mádenıetin ilgeriletý, memleketimizdiń rýhanı tiregi, dinimizdiń jalpyǵa ortaq adamgershilik qaǵıdalaryn nasıhattaý deıdi, - oblys ákiminiń orynbasary.
