Taldyqorǵanda pyshaqpen jáne tapanshamen qarýlanǵan 18 jastaǵy jigit ustaldy
Almaty oblysy Polıtsııa departamenti baspasóz qyzmetiniń málimetinshe, ustalǵan azamat bir jyl boıy jerlesine qatysty bopsalaý áreketterin jasady degen kúdikke ilindi.
11 qarasha kúni Kóksý aýdandyq polıtsııasynyń kezekshi bólimine 18 jastaǵy jergilikti turǵyn tanystarynyń biri tarapanynan bopsalanǵany jaıynda aryzdanǵan. Jas jigit jalpy somasy 596 000 teńgeden astam qarajatty kúdiktige bergeni málim boldy. Derek aýdandyq polıtsııada QR QK-niń 194-baby 2-bóliginiń 3-tarmaǵy boıynsha tirkeldi (Birneshe ret jasalǵan qorqytyp alýshylyq).
Balpyq bı aýylynyń turǵyny bolyp tabylatyn kúdiktini ustaý jumysyn oblystyq ekstremızmge qarsy is-qımyl basqarmasynyń jedel qyzmetkerleri Taldyqorǵan qalasynda júrgizdi. Jedel is-sharaǵa arnaıy jasaq jaýyngerleri de tartyldy.
Ustaý kezinde kúdiktiden jınalmaly pyshaq pen travmatıkalyq tapansha tárkilendi. Tárkilengen qarýǵa tıisti saraptama taǵaıyndalyp, QR QK-niń 287-babynyń 2-bóligine (Qarýdy zańsyz satyp alý, saqtaý, tasymaldaý nemese alyp júrý) sáıkes qylmystyq is qozǵaldy.
Sotqa deıingi tergeý barysynda kúdiktiniń jábirlenýshini 2020 jyldyń qarashasy men 2021 jyldyń qazanynda fızıkalyq kúsh kórsetýmen jáne qarýmen qorqytyp, onlaın-nesıe resimdeýge májbúrlegeni anyqtaldy. Sonymen qatar ol bir jyl ishinde jas jigittiń qymbat úsh uıaly telefonyn tartyp alǵan.
Ózge aqparat QR QІJK 201-babyna sáıkes jarııa etilmeıdi.
