Taldyqorǵanda prokýrorlar 22 kásipkerdiń quqyǵyn qorǵady

TALDYQORǴAN. QazAqparat - Taldyqorǵanda prokýrorlar 22 kásipkerdiń quqyǵyn qorǵady, dep habarlaıdy QazAqparat tilshisi.

Taldyqorǵan qalasynyń prokýratýrasy memlekettik satyp alý týraly sharttardyń oryndalýyn qamtamasyz etý somasyn ýaqytyly qaıtarmaǵan 22 kásipkerdiń quqyǵyn qorǵady.

«Atap aıtqanda, Taldyqorǵan qalasynyń ákimdigi merdigerlermen óz mindettemelerin tolyq oryndaýyna qaramastan, uzaq ýaqyt boıy 22 memlekettik satyp alý týraly sharttardyń oryndalýyn qamtamasyz etý retinde engizilgen aqshalaı qarajatty qaıtarý baǵytynda shara kabyldamaǵan»,- delingen Jetisý oblysy prokýratýrasynyń baspasóz qyzmetiniń habarlamasynda.

Prokýrordyń kadaǵalaý aktisiniń negizinde jalpy somasy 38 mln teńgeden astam aqshalaı qarajat kásipkerlerge qaıtaryldy