Taldyqorǵanda Prezıdent shyrshasyna 200 bala qatysty
TALDYQORǴAN. QazAqparat - Taldyqorǵandaǵy Prezıdent shyrshasy «Jasa, jaına Qazaqstan!» taqyrybynda ótti. Sharaǵa Almaty oblysynyń 17 aýdany men 3 qalasynan 200 bala qatysty, - dep habarlaıdy QazAqparat tilshisi.
Merekelik keshte jyldyń tórt mezgili túgendelip, ár mezgil án-jyrmen kórkemdelip otyrdy. Úlken ekrannan balaýsa baldyrǵandar Qazaqstan Respýblıkasynyń Prezıdenti Nursultan Nazarbaevtyń aq jarma tilegin tańdap, syılyqtaryn aldy. Barsha balaǵa qystyq jyly kúrteshe, bas kıim men aıaq kıim, sport kostıýmderi tartý etildi. Al oqýshy sómkesine oqý quraldarynan bólek Elbasy kitaby jáne merekelik jedelhaty tabystaldy.
Ertegi áleminiń tanymal keıipkerleri, tsırk ónerpazdary ár búldirshinniń kóńilin aýlap, qýanyshtaryn eseleýge tyrysty. Aıaz Ata, Aqshaqarmen shyrshany shyr aınalǵan kishkentaı qonaqtarǵa tátti dastarhan ázirlendi. Jalpy Almaty oblysynda 390 myńnan astam oqýshy bar. Elbasy shyrshasyna eń úlgili, tártipti, ozat oqýshylar keldi.
