Taldyqorǵanda polıtsııadan 20 tapanshany urlaǵan kúdikti anyqtaldy

NUR-SULTAN. QazAqparat – Búgin Ortalyq kommýnıkatsııalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov Óskemendegi tártipsizdik kezindegi faktilerdi aıtty, dep habarlaıdy QazAqparat tilshisi.

«Bultartpaý sharalaryn qaıta qaraý boıynsha jumys turaqty júrgiziledi. Bul rette adamdar zardap shekken jáne zalal keltirilgen qylmystarǵa belsendi qatysýshylar úshin eń qatań bultartpaý sharasy qoldanylatynyn naqty aıta alamyz. Mysaly, Óskemen qalasyndaǵy jappaı tártipsizdik barysynda azamat K. jáne R. esimdi turǵyn sóz baılasyp, avtokólikpen Respýblıka alańyna kólik dóńgelekterin apardy. Olardy tártipsizdikke qatysýshylar memlekettik múlikti órteý úshin paıdalanǵan. Budan ári, azamat K. «Vaz-2121» markaly polıtsııa avtokóligin órtep, 5 mln teńge kóleminde zalal keltirgen», - dedi Bas prokýratýra ókili.

Sonymen qatar ol taǵy bir jaǵdaıda, Taldyqorǵan qalasynda azamat T. adamdar tobyndaǵy jappaı tártipsizdikterdiń belsendi qatysýshysy bola otyryp, Polıtsııa basqarmasynyń ǵımaratyna kirip, 20 tapanshany urlap ketkenin aıtty.

«Atys qarýyn alǵan azamat T. polıtsııa ǵımaratynda oq atýdy bastady», - dedi E. Qılymjanov.