Taldyqorǵanda pılottyq joba negizinde jańa pán engizildi
TALDYQORǴAN. QazAqparat - Taldyqorǵandaǵy Shoqan Ýálıhanov atyndaǵy №10 mektep-gımnazııasynda pılottyq joba negizinde jańa pán engizildi. «Kásipkerlik jáne bıznes negizderi» sabaǵy aptasyna bir ret 10-shy synyp oqýshylaryna oqytylady, dep habarlaıdy QazAqparat tilshisi.
Pándi engizýdegi basty maqsat - mektep oqýshylaryna kásibı baǵdar berip, óz bolashaǵyn josparlaýǵa kómektesý. Sondaı-aq bıznes júrgizýdiń negizderi úıretip, kásipkerlikke baýlý.
«Dáriske muǵalimdermen qatar, bıznespen aınalysyp júrgen jandar da qatysady. Jańa baǵdarlama birneshe kezeńderge bólingen. Kýrs sońyna qaraı mektep túlekteri kásipkerlik negizderi boıynsha bazalyq bilimderi qalyptasady», - deıdi Almaty oblysy Kásipkerler palatasy adamı kapıtaldy damytý bóliminiń sarapshysy Ardaq Kachkarova.
Sarapshynyń aıtýynsha, teorııalyq bilimmen qatar túrli kásiporyndarda tájirıbelik sabaqtar uıymdastyrylady. Oqýshylar tabysty kásipkerlermen kezdesip, olarǵa sheberlik synyptary ótkiziledi. Kásipkerlik negizderi boıynsha alǵashqy sabaqtardyń birine Óńirlik kásipkerler palatasynyń bıznes-treneri Aleksandr Kýznetsov qatysty. Ol oqýshylardyń qoıǵan saýaldaryna jaýap berdi.
