Taldyqorǵanda páter tonaýmen aınalysqan top quryqtaldy
TALDYQORǴAN. QazAqparat - Taldyqorǵan qalasynda páter tonaýmen aınalysqan top ustaldy, dep habarlaıdy QazAqparat tilshisi.
4 er adamnan turatyn toptyń 16 páter urlyǵyna qatysy bar ekendigi dáleldendi. Anyqtalǵandaı azamattar 1988-1992 jyly týylǵandar. Olardyń úsheýi buryn urlyq jáne qaraqshylyq úshin isti bolǵan. Tártip saqshylarynyń aıtýynsha, olardyń qylmystyq áreketteri Taldyqorǵan qalasynyń 2, 3, 4 jáne 5-shi yqshamaýdandarynda bıylǵy jyldyń qyrkúıek-qazan aılarynda tirkelgen. Qazirgi tańda urylardyń keltirgen shyǵyn kólemi anyqtalýda. Degenmen qolda bar málimetterge qaraǵanda, aryzdanýshylardyń shyǵyny 2 mln teńgeden asqan.
Qylmyskerler páterlerge kilt tańdaý arqyly kirgeni anyqtaldy. Negizinen zergerlik buıymdar, noýtbýkter, kólemi úlken emes baǵaly zattardy qoldy qylǵan. Kúdiktiler zergerlik buıymdardy jergilikti lombardtarǵa ótkizip otyrǵan. Al qalǵan zattar habarlandyrý arqyly óndirilgen.
Qylmystyq topty Taldyqorǵan ІІB Batys polıtsııa bólimshesiniń qyzmetkerleri qolǵa túsirdi. Qazirgi tańda ustalǵan azamattardyń osyǵan uqsas basqa qylmystarǵa qatysy bar-joqtyǵy anyqtalýda. Sondaı-aq qaladaǵy lombardtarǵa kúdiktilerdiń túsiniktemesi boıynsha ótkizilgen zergerlik buıymdardy aıǵaq zat retinde qylmystyq óndiriske tirkeý jáne naqty ıelerine qaıtarý maqsatynda suranys jiberildi.
