Taldyqorǵanda pəter urylary qolǵa tústi
TALDYQORǴAN. QazAqparat - Polıtsııa qyzmetkerleri uzaq ýaqyt boıy Taldyqorǵan qalasynda páter urlyǵymen aınalysyp júrgen qylmystyq topty anyqtaý jáne ustaý boıynsha operatsııany aıaqtady, dep habarlaıdy QazAqparat tilshisi.
Jedel aldyn alý sharalary barysynda birneshe urlyq jasady degen kúdikpen úsh er adam anyqtalyp, ustaldy.
30-40 jas aralyǵyndaǵy tulǵalar ýaqytsha qamaý ızolıatoryna toǵytyldy. Olardyń úsheýi de buryn qylmystyq jaýapkershilikke tartylmaǵan. Kúdiktilerdiń bergen túsiniktemeleri boıynsha urlanǵan zattar Almaty qalasynyń mańaıynda satylǵan. Taldyqorǵan qalasynan áketip úlgermegen zergerlik buıymdardyń jartysy ustalǵandardyń turǵan jerlerinde tekserý barysynda tabylyp tárkilendi. Olar qylmystyq óndiristiń materıaldaryna zattaı aıǵaq retinde tirkeldi.
ІІD baspasóz qyzmetiniń məlimetinshe, atalǵan fakt boıynsha tergeý jalǵasýda. Taldyqorǵan qalasynyń polıtseıleri kúdiktilerdiń oblys aýmaǵynda oryn alǵan, uqsas basqa da qylmystarǵa qatysy bar-joǵyn tekserýde.
