Taldyqorǵanda pəter alǵandar úılerinen qýylyp jatyr
TALDYQORǴAN.QazAqparat - Taldyqorǵandyq Aıda Əbıshpaeva jýyq arada úıin bosatýy tıis. Jazda jańadan baspanaǵa ıe bolǵan turǵynǵa sot osyndaı sheshim shyǵarǵan, dep habarlaıdy QazAqparat tilshisi.
Əbıshpaevanyń sózinshe, kópqabatty úıdi turǵyzǵan "Astana" qurylys kompanııasynyń ókilderi sotqa berip, úıdi bosatýyn talap etken. Aıdanyń aıtýynsha, olar úsh bólmeli pəterdi alý úshin 15 mln teńgeni Dına Iskakovaǵa bergen. Qoldarynda kompanııaǵa tólengen qarjynyń túbirtegi bar eken. Biraq, sot ony eskermeı úıdi bosatý jóninde ədiletsiz sheshim shyǵardy, deıdi taldyqorǵandyq turǵyn. Jəne Aıda birneshe otbasy osyndaı jaǵdaıǵa tap bolǵanyn aıtady. Keıbiri úıdi óz erikterimen bosatyp beripti. Al, tyǵyryqqa tirelgen januıa baspanany ońaıshylyqpen bermeımiz deıdi.
Qazir otbasy músheleri aqsha berip, olardyń úı alýyna aralasqan adam isti bolyp jatyr. Búgin jalǵasýy tıis sot otyrysy keıinge shegerildi. Sebebi, aıyptalýshynyń biri Dına Iskakovanyń densaýlyǵy syr bergen. Ońaı jolmen, memlekettik baǵdarlamamen salynǵan úılerdi alýǵa nıet tanytqandar kóp. Qazir aqshadan da, pəterden de aıyryldyq degender sot tabaldyryǵyn tozdyrýda. 47 adam shaǵymdanǵan fakti boıynsha 5 adam aıyptalýda.
