Taldyqorǵanda pəter alaıaqtyǵy boıynsha daýly istiń sot protsesi ótpeı qaldy
TALDYQORǴAN. QazAqparat - Búgin Taldyqorǵan qalalyq sotynda pəter alaıaqtyǵy boıynsha sot otyrysy ótýi tıis edi.
Biraq aıyptalýshy Dına Iskakovanyń densaýlyǵy syr bergendikten qorǵaýshysy protsesti keıinge shegerýdi surady, dep habarlaıdy QazAqparat tilshisi.
Endigi sot otyrysy 21 aqpan kúni saǵat 11:00-ge belgilendi. Qazir atalǵan is boıynsha bes adam aıyptalýda. Eń kishisiniń jasy 21-de. Olar birneshe adamǵa memlekettik baǵdarlama boıynsha pəter alyp berýge ýáde etken. Tipti, bolashaq baspanalaryn kórsetip, bosaǵasynan da attatqan. Qazir atalǵan fakti boıynsha 47 adam shaǵymdandy. Olarǵa keltirilgen shyǵyn kólemi 200 mln teńgeden asady.
Alaıda, aıyptalýshy Dına Iskakova is ədil tergelmegenin aıtyp otyr.
"Búkil aqıqatty aıtsam da, meniń aryzym qaralmaıdy. Meniń isimde basynan aıaǵyna deıin adamnyń quqyǵy qorǵalǵan joq. Bul is alaıaqtyq bolyp ashyldy jáne ony sol kúıinde japqysy keldi"- deıdi D.Iskakova.
Buǵan deıingi sot protsesinde sóz alǵan jəbirlenýshilerdiń deni bergen aqshalaryn qaıtaryp alsa, aıyptalýshylardy keshirýge daıyn ekendikterin jetkizgen edi. Tipti, keıbir jəbirlenýshiler aıyptalý oryndyǵynda otyrǵan birde-bir kúdiktini tanymaıtynyn, al pəter alý úshin múldem basqa adamǵa aqsha bergenin aıtqan bolatyn.
