Taldyqorǵanda ózen jaǵasynan qarý-jaraq salynǵan qap tabyldy

TALDYQORǴAN. QazAqparat Taldyqorǵanda ózen jaǵasynan qarý-jaraq salynǵan qap tabyldy, dep habarlaıdy QazAqparat tilshisi.

Qarý-jaraq saqtalǵan jasyryn oryn oblystyq Ekstremızmge qarsy is-qımyl basqarmasy UQKD qyzmetkerlerimen birlesip uıymdastyrǵan arnaıy is-sharalar barysynda anyqtaldy. Kenep qapta 2022 jyly qańtardaǵy oqıǵalar kezinde urlanǵan qarý-jaraq, oq-dáriler men arnaıy quraldar boldy.

«5,6 mm kalıbrli Margolın tapanshasy, syńar aýyzdy sholaq myltyq, ártúrli kalıbrli 60 patron, oq ótpeıtin keýdeshe jáne ratsııa tárkilendi. Bul qarý-jaraq pen arnaıy quraldar urlanǵan dep sanalady», – dedi Jetisý oblysy PD Ekstremızmge qarsy is-qımyl basqarmasynyń bastyǵy Bolat Bolysbekov.

Іs júzinde qajetti saraptamalar taǵaıyndalyp, tergeý amaldary bastaldy.