Taldyqorǵanda oıyn-saýyq ortalyǵynda kúzetshige oq atqan adam ustaldy
ASTANA. QazAqparat - Taldyqorǵanda oıyn-saýyq ortalyǵynyń kúzetshisine oq atqan er adam ustaldy. Bul týraly Almaty oblysy ІІD baspasóz qyzmeti habarlady.
Travmatıkalyq qarýdan oq tıip, ıyǵy jaralanyp, jergilikti oıyn-saýyq keshenderiniń birinen Taldyqorǵan aýrýhanasyna 32 jastaǵy kúzetshi tústi.
Jábirlenýshi oıyn-saýyq keshenine kelgenderdiń mas kúıinde buzaqylyq áreketteriniń jolyn kesý kezinde zardap shekken. Olar «Strajnık» travmatıkalyq tapanshasynan oq atqan. Qarýdyń tutqasy zattaı aıǵaq retinde is materıaldaryna qosyldy.
«Jedel izdeý sharalary barysynda 22 jastaǵy Taldyqorǵan turǵyny ustaldy. Ol ÝUI-ǵa qamaldy. Fakti boıynsha QR QK 293-babynda («Qarý qoldana otyryp, buzaqylyq jasaý») kózdelgen qylmystyq óndiris qozǵaldy», - dep naqtylady baspasóz qyzmetinde.
