Taldyqorǵanda ótken bı festıvalinde almatylyqtar top jardy
TALDYQORǴAN. QazAqparat - Taldyqorǵanda ótken «Silk way -2017» bı festıvalinde bas júldeni Almatynyń JFK Rroject komandasy jeńip aldy. Show professionals nomınatsııasy boıynsha óner kórsetken topqa 1 mln teńgeniń sertıfıkaty tabystaldy, dep habarlaıdy QazAqparat tilshisi.
Ekinshi jyl qatarynan uıymdastyrylǵan halyqaralyq jarysqa Frantsııa, AQSh, Germanııa jáne elimizden 250 adam qatysty. Olar hip-hop, all styles, Best show syndy bıdiń birneshe túrleri boıynsha ónerlerin ortaǵa saldy.Úzdik komandalar iriktelip, aqtyq synǵa joldama aldy. Baıqaýdyń qorytyndysyna sáıkes show beginners atalymy boıynsha 1 oryndy Kamanov Kamıl (júlde qory 200 000 teńge), All styles nomınatsııasynda 1 oryndy Virgil Lil'O Gadson (júlde qory 600 000 teńge) jeńip aldy. Popping nomınatsııasynda 1 orynǵa Kidboogie Mgf qol jetkizse (júlde qory 130 000 teńge), dál sondaı syılyqty Breaking nomınatsııasynda Chernıkov Nıkolaı jeńip aldy. HIP-HOP professionals nomınatsııasynda 1 oryndy Frantsııanyń bıshisi Dossavi Markus (júlde qory 130 000 teńge), al HIP-HOP beginners nomınatsııasynda Shakırov Adıl jeńimpaz atandy (júlde qory 30 000 teńge). Eki kúnge jalǵasqan festıval Almaty oblysynyń jastar saıasaty máseleleri basqarmasy, Almaty oblysynyń jastar resýrstyq ortalyǵy, «Jas Otan» JQ jáne«FunkyTown» shyǵarmashylyq jastardy qoldaý ortalyǵynyń uıymdastyrýymen ótti.
