Taldyqorǵanda oqýshyny qaǵyp, qashyp ketken kólik júrgizýshisi ustaldy
TALDYQORǴAN. QazAqparat - Taldyqorǵanda jaıaý júrginshilerge arnalǵan ótý jolaǵynda balany kóligimen qaǵyp, oqıǵa ornynan qashyp ketken kúdikti ustaldy. Al zardap shekken 12 jastaǵy mektep oqýshysy túrli dene jaraqatymen aýrýhanaǵa jetkizildi, - dep habarlaıdy QazAqparat tilshisi.
«Keshki 18 saǵat 30 mınýt shamasynda belgisiz avtokólik 12 jastaǵy ul balany qaǵyp, oqıǵa ornynan izin sýytqany týraly habarlama tústi. Jedel izdestirý sharalary barysynda «Aýdı» kóligin tizgindegen Taldyqorǵan qalasynyń 23 jastaǵy azamaty jol-kólik oqıǵasyn jasady degen kúdikke ilindi. 1 saǵat ishinde kúdiktiniń meken-jaıy anyqtaldy jáne qalalyq polıtsııaǵa jetkizildi», - dep málimdedi Almaty oblystyq Polıtsııa departamentiniń baspasóz qyzmeti.
Vedomstvo taratqan aqparatqa sáıkes, kúdiktiniń kóligi arnaıy avtoturaqqa qoıyldy. Osy derek boıynsha tıisti saraptama taǵaıyndalyp, tekserý jumystary júrgizilýde.
