Taldyqorǵanda oqýshylardyń aýrýhanaǵa túsý deregi boıynsha qylmystyq is qozǵaldy
TALDYQORǴAN. QazAqparat - Taldyqorǵandaǵy Nazarbaev zııatkerlik mektebindegi 24 oqýshynyń ınfektsııalyq aýrýhanaǵa túsýine baılanysty is qozǵalyp, tergeý jumystary bastaldy. Balalardyń basym bóligi mekteptegi ashanadan tamaqtanǵannan keıin, dene qyzýy kóterilip, ishteri aýyryp, qusqandaryn aıtqan, dep habarlaıdy QazAqparat tilshisi.
Almaty oblystyq ІІD baspasóz qyzmetiniń jetekshisi Aıman Myrzekovanyń málimetinshe, QR Qylmystyq kodeksiniń 304 baby 1 tarmaǵyna ıaǵnı, «sanıtarııalyq qaǵıdalardy buzý nemese gıgıenalyq normatıvterdi buzý» boıynsha is qozǵaldy. Sotqa deıingi tergeý jumystary júrip jatyr. Tıisti saraptamalar taǵaıyndalǵan.
Al dárigerler naýqastardyń jalpy jaǵdaıyn ortasha dep baǵalaýda. Naqty dıagnoz erteń daıyn bolady. Al ázirge dárigerler aldyn ala «gastroenterıt» dıagnozyn qoıǵan. Qazirgi tańda aýrýhanada jatqan 10 bala úılerine jiberilgen. Endi olar emderin ambýlatorııalyq túrde jalǵastyratyn bolady. Al mektepte keshendi sanıtarlyq-epıdemıologııalyq tekserý júrip jatyr.
