Taldyqorǵanda oqýǵa túsiremin dep talaıdy san soqtyrǵan alaıaq sottaldy
TALDYQORǴAN. QazAqparat - Taldyqorǵannyń 54 jastaǵy turǵyny jergilikti turǵyndardyń birin oqýǵa túsiremin degen jeleýmen odan qomaqty qarjy alyp, izim-qaıym joq bolǵan, dep habarlaıdy QazAqparat tilshisi.
2017 jyldyń shilde aıynda ol joǵary oqý ornyna túsirýge kómektesemin degen syltaýmen taǵy bir taldyqorǵandyqtyń 4500 AQSh dollaryn ıemdengen. Biraq eshqandaı kómek kórsetpegen.
Jábirlenýshi tabandy talap etýinen keıin alǵan aqshasynyń bir bóligin qaıtaryp izin sýytqan.
Jábirlenýshiniń aryzynan keıin kúdiktiniń mekenjaıy anyqtalyp, qamaýǵa alynǵan. QR QK 190-shy baby, 3-shi bóligi «Alaıaqtyq» boıynsha qylmystyq is qozǵaldy. Sotaldy tergeý barysynda kúdikti kinásin moıyndap, qalǵan aqshasyn tolyq qaıtarǵan.
Jábirlenýshiniń keshirimi men kúdiktiniń kinásin moıyndaǵany eskerilip Taldyqorǵan qalalyq soty kináli azamatqa 3 jylǵa bas bostandyǵynan aıyrý jazasyn kesti. QR QK 63 baby negizinde jaza «shartty» dep belgilendi. Sottalýshy probatsııalyq baqylaýǵa alyndy.
