Taldyqorǵanda ógeı qyzyn zorlaǵan qylmysker 20 jylǵa sottaldy
«Taldyqorǵan qalasynda tergeý aıaqtaldy. Óziniń 13 jastaǵy ógeı qyzyn qorlady dep aıyptalǵan 49 jastaǵy er adamǵa úkim shyǵaryldy. Bala ógeı ákesi tarapynan birneshe ret jynystyq zorlyq-zombylyqqa ushyraǵany anyqtaldy. Bul qylmystyq is materıaldarymen dáleldendi jáne sot úkimin shyǵarý kezinde eskerildi», - delingen málimette.
Derekti ótken jyldyń qarasha aıynda balanyń mektep muǵalimderi anyqtaǵan. Jasóspirim áleýmettik jelidegi paraqshasynda ógeı ákesiniń zorlyq-zombylyǵynan keıin sýıtsıd jasaǵysy keletini týraly jazǵan. Mektepke shaqyrylǵan qyzdyń anasy muǵalimdermen sóılesip, polıtsııaǵa resmı aryzben júgingen. Atalǵan fakti boıynsha QR Qylmystyq kodeksiniń 121-baby 4-bóligi boıynsha qylmystyq is tirkeldi. Kúdikti ustalyp, qamaqqa alyndy.
«49 jastaǵy er adamnyń 2002 jyly Atyraý oblysynda osyndaı áreketi úshin qylmystyq jaýapkershilikke tartylyp, jazasyn túzeý mekemesinde ótegeni anyqtaldy. Kúdiktiniń atalǵan bap boıynsha sottylyǵy týraly jubaıy bilmegen. Tergeý barysynda kúdiktiniń qyzdy birneshe ret qorlaǵany dáleldendi. Jynystyq zorlyq-zombylyq balanyń 8-9 jasynan bastalǵany anyqtaldy. Er adam qylmys jasaǵanyn moıyndady. Tergeý aıaqtalǵannan keıin is materıaldary aıyptaý qorytyndysymen sotqa jiberildi», – dedi Jetisý oblystyq Polıtsııa departamenti Tergeý basqarmasynyń bastyǵy Rýslan Charapıev.
Pedofıl boıynsha isti Qylmystyq ister jónindegi mamandandyrylǵan aýdanaralyq sot qarady, onyń sheshimimen aıyptalýshy 20 jylǵa bas bostandyǵynan aıyryldy. Ol jazasyn qaýipsizdigi tótenshe joǵary túzeý mekemesinde óteıtin bolady. Sot úkimi zańdy kúshine endi.
