Taldyqorǵanda ógeı ákesi soqqyǵa jyqqan 8 jastaǵy balanyń jaǵdaıy aýyr
TALDYQORǴAN. QazAqparat - Taldyqorǵanda ógeı ákesi urǵan 8 jastaǵy bala aýrýhanada jatyr. Al 1987 jylǵy azamattyń ústinen qylmystyq is qozǵaldy, dep habarlaıdy QazAqparat tilshisi.
Almaty oblystyq Balalar aýrýhanasynyń dırektory Marat Dosqalıevtiń aıtýynsha, balanyń jaǵdaıy aýyr, jansaqtaý bóliminde jatyr.
«Balanyń jaǵdaıy aýyr. Áli jansaqtaý bóliminde bolady. Naýqas jasandy tynys alý aparatynan ajyratylyp, ózi demalyp jatyr. Sóıleıdi, tamaq ishe alady», - dedi M. Dosqalıev.
8 jastaǵy oqýshy aýrýhanaǵa 19 sáýir kúni túngi saǵat 00:30 shamasynda túsken.
«Atalǵan fakti boıynsha QR QK 106-babynyń 1-tarmaǵyna (Densaýlyqqa qasaqana aýyr zııan keltirý) sáıkes sotqa deıingi tergeý júrip jatyr. 1987 jylǵy kúdikti ustalyp, qamaqqa alyndy. Qajetti sot-medıtsınalyq saraptamalar taǵaıyndalǵan. Qorytyndysyna sáıkes, is sotqa joldanady», - delingen Almaty oblystyq Polıtsııa departamenti baspasóz qyzmetiniń bergen habarlamasynda.
