Taldyqorǵanda «Nurly jer» baǵdarlamasy boıynsha kópqabatty 11 úı beriledi

TALDYQORǴAN. QazAqparat - Taldyqorǵanda «Nurly jer» baǵdarlamasy aıasynda kópqabatty 11 úı paıdalanýǵa beriledi. Aýmaǵy 83 myń sharshy metr baspananyń qurylysy shahardyń ońtústik-batys jáne shyǵys aýdandarynda júrip jatyr. Bul jóninde búgin qala ákimi Baǵdat Qarasaev brıfıng barysynda málim etti, dep habarlaıdy QazAqparat tilshisi.

Bıyldyń ózinde atalǵan baǵdarlama boıynsha 336  páterli eki úı paıdalanýǵa  berildi. Jyl sońyna deıin taǵy 55 páterli kommýnaldyq jáne 3 nesıelik úı qoldanysqa ótedi. Osylaısha 2017 jyly Taldyqorǵanda 865 otbasy baspanamen qamtylady. Qazirgi tańda qala boıynsha 15 myńnan astam adam páter kezeginde tur. Al jer kezeginde turǵandardyń sany 26 myńǵa jýyqtaǵan. Kezek sanyn azaıtýǵa jańa kottedj qalashyǵynyń da sebi tımek. Onyń ınfraqurylymy tartylyp, jeri daıyn tur. Bas-aıaǵy  607 úı salynady. Qyrkúıekte 40 úıdiń irgetasy qalanbaq. Condaı aq qalanyń kóshelerin jóndeýge 4 mlrd teńge bólinip, joldar jańalanýda.

Qala bıliginiń  taǵy bir jetistigi - ınvestıtsııa kóleminiń artýy. Jeti aıdyń ishinde bul qarjy 20 mlrd teńgege jetti.