Taldyqorǵanda Naýryz meıramy qarsańynda jármeńke ótti
TALDYQORǴAN. QazAqparat - Taldyqorǵanda Naýryz merekesi qarsańynda aýyl sharýashylyǵy ónimderiniń jármeńkesi ótti, dep habarlaıdy QazAqparat tilshisi.
Ulystyń uly kúnine oraı uıymdastyrylǵan sharaǵa Almaty oblysynyń alty aýdany men eki qalasynyń sharýalary keldi. Taldyqorǵandyqtarǵa 20-dan astam ónim túri usynyldy. Jalpy somasy 35 mln teńgenin ónimi saýdalandy.
Merekelik dastarhanǵa qajetti et-sút ónimderi, jemis-jıdek pen kókónis bazardaǵy baǵadan 15-20 paıyzǵa arzan. Jalpy mundaı jármeńkeler eki jaqqa da tıimdi. Birinshiden taýaróndirýshiler óz ónimin eshqandaı deldalsyz halyqqa usynsa, turǵyndar sapaly, ekologııalyq taza ónimdi arzan baǵamen satyp alady.
Bul jolǵy jármeńke qaladaǵy «Optmarket» saýda ortalyǵynda ótti. 5 myń sharshy metrlik zamanaýı qoımasy bar keshende sharýalarǵa barlyq jaǵdaı qarastyrylyp otyr. Jalpy mundaı tıimdi saýda-sattyq ár senbi saıyn aýdan ortalyqtarynda uıymdastyrylyp keledi.
