Taldyqorǵanda Muqaǵalı Maqataevty eske túsirýge arnalǵan "Búgin meniń týǵan kúnim..." atty kesh ótti

dep habarlaıdy QazAqparat.

Asqar Naımantaıdyń jobasy boıynsha bul shara buǵan deıin dástúrli túrde jyl saıyn Almatyda qalasynda ótip kelgen bolatyn. M. Maqataevtyń "Raıymbek, Raıymbek!" poemasy boıynsha sahnalanǵan qoıylymmen Repýblıkalyq teatrlar festıvalinde júlde alǵan B. Rımova atyndaǵy oblystyq teatr ujymynyń ótinishi boıynsha bıyl ol Taldyqorǵanda uıymdastyrylǵan bolatyn. "Raıymbek, Raıymbek!" qoıylymymen bastalǵan bul shara án men jyr keshine ulasty. Onda joba avtorynyń M. Maqataevtyń sózine jazylǵan jańa ánder men qaıta óńdelgen nemese jańa oryndaýdaǵy ánder aıtyldy. Bıylǵy keshtiń eldi eleń etkizgen jańalyqtary - "Sharyn" tobynyń "Raýshan gúli", "Arý" tobynyń Shalkóde", Saıa Mahambettiń "Bala ǵashyq", Saıat Ábdiǵanıdiń "Eı, ómir", Nursaıat Serikbaevtyń "Ókpeleısiń nesine taǵdyryńa" ánderi boldy. Sondaı-aq bir top óner qaıratkerleri "Muqaǵalı Maqataev atyndaǵy syılyq" ataǵymen marapattaldy. Olardyń qatarynda Bıken Rımova atyndaǵy oblystyq teatrdyń bas rejısseri, Qazaqstannyń eńbek sińirgen ártisi Murat Ahmanov, Qazaqstannyń halyq ártisi Almahan Kenjebekova, Qazaqstanyń mádenıet qaıratkeri Kenjebaı Temirbaıuly, Ǵabıt Músirepov atyndaǵy respýblıkalyq qoǵamdyq qordyń tóraǵasy Ǵabıden Jákeev bar.