Taldyqorǵanda «Meıirimdi júrek» aktsııasy bastaldy

TALDYQORǴAN.QazAqparat - Taldyqorǵanda qala kúni merekesi aıasynda «Meıirimdi júrek» aktsııasy bastaldy. Kómekke muqtaj jalǵyzbasty qarııalarǵa qolǵabys etýdi maqsat etken sharaǵa qalanyń belsendi jastary, eriktiler jasaǵy,áleýmettik sala qyzmetkerleri, kásiporyn jumysshylary, ákimdik qyzmetkerleri qatysýda, dep habarlaıdy QazAqparat tilshisi.

Búgin qalanyń belsendi jastary birneshe qarııanyń úıine baryp, úı sharýasyna qolǵabys etti. Máselen, Erkin aýylynda turatyn zeınetker Bıbiǵaısha Ábsadyrova ájeıdiń baqshasyn qamys pen aram shóp basyp ketken. On shaqty jyl buryn jalǵyz ulynan, 8 jyl buryn jubaıynan aıyrylyp qalǵan turǵynnyń kórshilerden basqa kómekteser eshkimi joq. Jasyleldik jigitter úıdiń aýlasyn qoqystan tazartyp berdi.

Al, osy aýylda turatyn tyl eńbekkeri Marııa Danııalovanyń búginde baqshasyn jınap alatyn qaýqary qalmaǵan. Uldary Reseıge kóship ketken. Kenje qyzy anda-munda ǵana kelip turady eken. Taldyqorǵan qalalyq jastar resýrstyq ortalyǵynyń jigitteri ájeıdiń kartobyn qazyp, kúl-qoqysyn shyǵaryp berdi.
 

Jalpy, Taldyqorǵan boıynsha 260-tan astam jalǵyzbasty qarııa bar. Olarǵa Jumyspen qamtý bóliminen bólingen 70 áleýmettik qyzmetker qarap turady. Al, «Meıirimdi júrek» aktsııasy osyndaı jandarǵa qoǵam nazaryn aýdarýdy maqsat etedi. Taǵdyrdyń tálkegine ushyrap, bala-shaǵasyz qalǵan qarııalarǵa qamqorlyq jasaý - árkimniń mindeti ekenin eske salady. Aktsııa aıasynda jalǵyzbasty muqtaj qarııalarǵa azyq-túlik, otyn-kómir jetkiziletin bolady.
 

Aıta ketý kerek, Taldyqorǵanda qala kúnine arnalǵan mrekelik sharalar 8-shi qyzrkúıekten basataldy. Túrli shyǵarmashylyq baıqaýlar,sheberlik sabaqtary, retro kontsertter men sporttyq saıystar, tanymal tulǵalarmen kezdesýler, áleýmettik nysandardyń ashylýy, kásiporyndardyń tusaýkeserleri sekildi kóptegen sharalar bıylǵy merekeniń sánin kirgizetin bolady. Al, negizgi mereke 30-qyrkúıekte saǵat 10-00-de qalanyń ortalyǵynan bastalyp, Jastar sport saraıynyń mańy men «Jastar» saıabaǵynda jalǵasady.