Taldyqorǵanda menıngokokk ınfektsııasymen 3 adam aýyryp jatyr
TALDYQORǴAN. QazAqparat - Taldyqorǵan qalasynda menıngokokk ınfektsııasyn juqtyrǵan 3 adam em qabyldap jatyr. Olardyń ekeýi juqpaly aýrýlar aýrýhanasynda bolsa, bir adam qalalyq kópsalaly aýrýhananyń jansaqtaý bóliminde jatyr, dep habarlaıdy QazAqparat tilshisi.
Óńirdegi menıngokokk ınfektsııasynyń jaǵdaıy boıynsha baspasóz máslıhatynda Almaty oblystyq qoǵamdyq densaýlyq saqtaý departamentiniń basshysy Erǵalı Sydymanov oblysta osyndaı 12 jaǵdaı tirkelgenin aıtty. 6 naýqastyń dıagnozy zerthanalyq synamalarmen naqtylandy. Óńirde 4 adam bul indetten kóz jumǵan. Onyń eki jaǵdaıynda dıagnozy arnaıy saraptamamen naqtylandy. Taǵy eki jaǵdaıdyń zerthanalyq saraptama nátıjeleri áli daıyn bolǵan joq.
Mamandardyń aıtýynsha, óńirde jaǵdaı turaqty. Biraq halyq kóp jınalatyn oryndarda aldyn-alý sharalary júrgizilip jatyr. Sondaı-aq, indetke qarsy vaktsına tek Almaty qalasynda ǵana satylymda bar. QR Densaýlyq saqtaý mınıstri Eljan Birtanov Almaty qalasy men Almaty oblysyndaǵy jaǵdaıdy baqylaý úshin búgin osy óńirlerge issaparmen keledi dep kútilýde.
