Taldyqorǵanda menıngıtten qaıtys bolǵan bala oraza ustaǵan - kolledj dırektory
TALDYQORǴAN. QazAqparat - Taldyqorǵanda menıngıtten qaıtys bolǵan bala oraza ustaǵan. Bul jóninde medıtsınalyq kolledjdiń dırektory Serik Janseńgirov məlim etti, dep habarlaıdy QazAqparat tilshisi.
Kolledj dırektorynyń aıtýynsha, qaıtys bolǵan Rasýl Aslan-ogly Məmeduly esimdi stýdent juma kúni meshitke barǵan. Menıngokokk juqpasynan kóz jumǵan ol medıtsınalyq kolledjdiń jataqhanasynda turǵan eken. Qazir Rasýldyń janynda bolǵan stýdent te ınfektsııalyq aýrýhanaǵa jatqyzylǵan, dərigerlerdiń baqylaýynda.
«Jalpy qaıtys bolǵan stýdent aýrýhanaǵa jeksenbi kúni túsken. Al dúısenbi kúni ıaǵnı, maýsym aıynyń 4-i kúni kóz jumǵan. Qazir atalǵan oqý ornynyń jataqhanasynda 96 stýdent turady. Olardyń barlyǵyna tekserý júrgizilgen», - dedi kolledj dırektory.
Al, jalpy, medıtsınalyq kolledjde 1054 stýdent oqıdy.
"Biraq olardyń barlyǵyna tekserý júrgizilmeıdi. Jataqhanada turatyn balalar ǵana tolyqtaı baqylaýǵa alynady", - dedi Serik Maksımuly.
Aıta ketý kerek, qazir atalǵan oqý ornynyń barlyq stýdentteri betterine arnaıy medıtsınalyq maska kıip júr.
Buǵan deıin Almatyda 27 jastaǵy órt sóndirýshi Oljas Súleımenovtyń aýrýy nebári 12 saǵattyń ishinde asqynyp, kenetten kóz jumǵan. Ol qabyldaý bólimine kelgende aýzym berik dep, taǵaıyndaǵan dárini qabyldamaǵan. Sosyn aýrýhanaǵa jatýdan bas tartyp, úıine ketken. Keshke deıis sý, dári, tamaq ishpeı, jatyp qalǵan. Biraz ýaqyttan soń baryp ol aýrýhanaǵa aýyr jaǵdaıda jetkizilgen.
Munyń aldynda Almaty ortalyq meshitiniń bas ımamy Erkinbek Shoqaev naýqastanǵan jaǵdaıda aýyz ashýǵa sharıǵat ruqsat beretinin habarlaǵan bolatyn.
