Taldyqorǵanda «Men Qazaqpyn» jobasynyń óńirlik jeńimpazdary anyqtaldy
TALDYQORǴAN. QazAqparat - Taldyqorǵanda «Men Qazaqpyn» jobasynyń ekinshi maýsymyna irikteý saıysy ótti. Sharaǵa Almaty oblysynyń aýdan-qalalarynan kelgen 40-qa jýyq ónerpaz qatysty, dep habarlaıdy QazAqparat tilshisi.
Іrikteý kezeńi úsh nomınatsııa boıynsha ótti. Dástúrli án, terme aıtyp, kúı tartýda baq synaǵan qatysýshylarǵa «Men Qazaqpyn» jobasynyń jeńimpazy Beıbit Musaev, aıtysker aqyn Aıtaqyn Bulǵaqov pen kúıshi Talǵat Orazaev tórelik etti. Tartysty básekede dástúrli án nomınatsııasynda Eńbekshiqazaq aýdanynan kelgen Qaırat Bektursyn úzdik dep tanylsa, terme oryndaýda Jambyl aýdanynyń ónerpazy Esbol Shanbaev top jardy. Al kúı shertýde «Alataý áýenderi» kontserttik birlestigi atynan shyqqan kúıshi Tanat Sádenov joldama aldy. Endi jeńimpazdar Qazaqstan Ulttyq telearnasy arqyly kórsetiletin respýblıkalyq «Men Qazaqpyn» mega-jobasyna qatysyp, baqtaryn synaıdy.
Aıta ketý kerek, byltyr shymyldyǵyn túrgen «Men Qazaqpyn» jobasynda dástúrli án nomınatsııasynyń bas júldesin jetisýlyq ánshi Beıbit Musaev enshilegen bolatyn.
