Taldyqorǵanda memlekettik qyzmetkerlerge ádep sabaqtary oqytyla bastady
TALDYQORǴAN. QazAqparat - Taldyqorǵan qalasynda Qazaqstan Respýblıkasy Prezıdenti janyndaǵy ózin-ózi basqarý akademııasynyń Almaty oblystyq fılıalynda ádep sabaqtary oqytyla bastady. Dáristi Almaty oblysy boıynsha ádep jónindegi ýákil júrgizedi, dep habarlaıdy QazAqparat tilshisi.
Jalpy jyl basynda ashylǵan akademııa qabyrǵasynda 600-den astam memlekettik qyzmetshi qaıta daıarlaý kýrsynan ótip, biliktilikterin arttyrdy. Al ádep jónindegi ýákildiń ınstıtýty «100 naqty qadam» Ult josparynyń 12-shi qadamyn júzege asyrý maqsatynda engizilip otyr. Búgingi tańda oblysta 41 ádep jónindegi ýákil belgilendi. Olar ásirese jas mamandardyń halyqqa qyzmet kórsetý barysyndaǵy ádebine jete kóńil bóletin bolady.
Memlekettik qyzmetshilerge alǵashqy lektsııany Almaty oblysy boıynsha ádep jónindegi ýákil Talǵat Ómirálıev oqydy. Birneshe aýdandy basqaryp, mol tájirbıe jınaǵan ardager qyzmetker jas mamandardyń halyqpen jumys isteý barysynda óte uqypty, ádepti jáne mádenıetti bolǵanyn qalaıdy. Birinshi sabaqta óz tájirbıesimen bólisken ýákil bolashaqta mundaı dáristerdi ózge memlekettik basqarý qurylymdarynda júrgiziletinin atap ótti.
