Taldyqorǵanda mekteptiń oqýshy qyzdary aýladaǵy oryndyqty túbimen julyp aldy
TALDYQORǴAN. QazAqparat - Taldyqorǵanda mekteptiń oqýshy qyzdary aýladaǵy oryndyqty túbimen qoparyp, qulatty, - dep habarlaıdy QazAqparat tilshisi.
Oqýshylardyń buzaqy áreketi túsken beınejazba aldymen áleýmettik jelige tarady. Kadrda úsh qyzdyń tóbesi kóleńkelengen oryndyqty shaıqap, artynsha qulatyp, qasha jóneledi. Jeli qoldanýshylary jasóspirimderdiń buzaqylyq áreketine teris pikir jazdy.
Almaty oblystyq Polıtsııa departamenti baspasóz qyzmetiniń málimetinshe, Taldyqorǵan polıtsııasy jedel-izdestirý kezinde 14,15 jáne 17 jastaǵy qalanyń qyzdaryn anyqtaǵan. Іstiń mán-jaıyn anyqtaý úshin olar tártip saqshylardyń bólimshesine jetkizilgen.
«17 jastaǵy turǵynnyń ústinen usaq buzaqylyq boıynsha ákimshilik shara qoldanyldy. Barlyq qyzdar mekteptegi polıtsııanyń tizimine alyndy»,- dep málimdedi Almaty oblystyq Polıtsııa departamenti baspasóz qyzmetinen.
