Taldyqorǵanda mektepter men gımnazııalarda qashyqtan oqytý 21 qańtarǵa deıin uzartyldy
TALDYQORǴAN. QazAqparat - Taldyqorǵanda koronavırýs boıynsha epıdemıologııalyq jaǵdaıǵa baılanysty mektepter men gımnazııalarda onlaın oqytý aǵymdaǵy jyldyń 21 qańtaryna deıin uzartyldy, dep habarlaıdy QazAqparat.
Almaty oblysynyń bas memlekettik sanıtarlyq dárigeriniń 2021 jylǵy 8 qańtardaǵy qaýlysymen 300 oqýshyǵa deıingi qalalyq jáne aýyldyq mektepterde synyptardaǵy balalar sany 15 adamnan aspaıtyndaı dástúrli formatta oqýǵa ruqsat etiledi. Taldyqorǵan qalasynyń Bas memlekettik sanıtarlyq dárigeriniń 8 qańtardaǵy №1 qaýlysyna sáıkes, óńirdegi epıdemıologııalyq jaǵdaıǵa baılanysty Taldyqorǵan qalasynyń mektepteri men gımnazııalarynda onlaın oqytý taǵy 10 kúnge uzartyldy. ıAǵnı Taldyqorǵan qalasynyń kezekshi jáne bitirýshi (9,11,12) synyp oqýshylary úshin dástúrli formatta oqý 21 qańtarda bastalady«, - dedi Almaty oblysy sanıtarlyq-epıdemıologııalyq baqylaý departamenti basshysynyń orynbasary Ashat Sharapıev. Sonymen qatar ata-analardyń ótinishi boıynsha, 1-5 synyptarda kezekshi synyptaryn ashý (15 balaǵa deıin) 402 mektepte uıymdastyrylǵan.
Jalpy, oqý jylynyń basynan beri oblys oqýshylary arasynda COVID-19 zerthanalyq rastalǵan 279 jaǵdaı tirkelgen, onyń ishinde 20 - kúndizgi, 259 - qashyqtan oqıtyndar arasynda.
Avtory: Hasan Espanov
