Taldyqorǵanda maı óńdeý salasynda 130 jumys orny ashylmaq
ASTANA. QazAqparat - Qazirgi tańda Taldyqorǵan qalasyndaǵy 20 iri jáne orta óndiristik kásiporyndar salyqtyń negizgi bóligin qurap otyr. Osy kórsetkishpen berilgen jyldyq tapsyrmanyń 70% oryndaldy. Bul týraly Almaty oblysynyń óńirlik kommýnıkatsııalar qyzmeti alańynda Taldyqorǵan qalasynyń ákimi Baǵdat Qarasaev baıandady.
Jyl sońyna deıin 5 óndiristik kásiporyndy keńeıtip, 381 jańa jumys oryndaryn ashý josparlanýda. Sonymen qatar maı óńdeý salasynda 130 jumys orny ashylmaq. Aǵymdyǵy jyldyń 1 tamyzynan bastap 800 mln teńge bólinip, 130 jumys orny ashyldy.
«Taldyqorǵan qalasynyń damý qarqyny turaqty. Basty máselelerdiń biri - jumyspen qamtý jáne jappaı kásipkerlikti damytý alǵashqy orynda. Jastar praktıkasyna 124 adam baǵyttaldy, 47 azamat áleýmettik jumys ornyna tartylsa, 689 azamat qoǵamdyq jumysqa jumyldyrylǵan. Atalǵan kezeńde jumyspen qamtý organdaryna 2985 adam ótinish bergen. Olardyń 1298 turaqty jumyspen qamtyldy. Jumyspen qamtý deńgeıi 43,5 paıyzdy quraıdy», - dedi Baǵdat Qarasaev.
