Taldyqorǵanda mas júrgizýshi kóligimen turǵyn úıge kirip ketti
TALDYQORǴAN.QazAqparat - Taldyqorǵanda mas júrgizýshi kóligimen turǵyn úıge kirip ketti. Qazir saraptama qorytyndysyna sáıkes jalǵyz basty ananyń úıi apatty dep tanylǵan. Al tańǵy úshte kóligimen úıge kirip ketken adam tek búldirgen jerdi ǵana qalpyna keltiretinin jetkizdi, - dep habarlaıdy QazAqparat tilshisi.
Qazir jalǵyz basty Aıda Bazylbaeva jarty qabyrǵasy joq úıde birinshi toptaǵy múgedek balasymen turyp jatyr.
«Іship alǵan baıdyń jas balalary ne istep, ne qoıǵandaryn ózderi bilmeıdi. Aıaqtarynan tura almaı turǵan balalarǵa narkologııa ishimdikti jeńil túrde ishken dep jazyp bergen. Nege? Beretinderin bergen shyǵar, jabatyn aýyzdy japqan shyǵar. Sodan keıin olar taırańdap júr qazir. 12 kún boldy, mine, men múgedek balammen jarty qabyrǵasy joq úıde turyp jatyrmyn. Eshkimnen eshqandaı kómek joq. Erteń ol buzǵan jerin jasap beredi. Al kóliktiń soqqysynan úıdiń barlyq qabyrǵalary jarylǵan. Erteń úıindiniń astynda qalamyz ba dep qorqamyn», - dedi Aıda Bazylbaeva.
Al osy oqıǵa boıynsha qazir tek ákimshilik is qozǵalypty.
«QR ÁK 608-babyna sáıkes ákimshilik is qozǵaldy. ıAǵnı, júrgizýshiniń kólik quralyn alkogoldik masań kúıde basqarý deregi boıynsha is materıaldary sotqa joldandy», - dedi Almaty oblystyq Polıtsııa departamenti baspasóz qyzmetiniń ókili Serik Úpıev.
«Taldyqorǵan qalasynyń ákimdigi de kómek kórsete almaıtyndaryn jetkizdi» degen Aıda Bazılbaeva qazir sharasyz kúıde otyrǵanyn aıtady.
