Taldyqorǵanda mas sýdıa kólik júrgizgen – Tekserý bastaldy

ASTANA. QazAqparat – Áleýmettik jelide Taldyqorǵan qalalyq sotynyń sýdıasy mas kúıinde kólik júrgizgeni úshin toqtatylǵany týraly aqparat paıda boldy. Bul aqparatqa Jetisý oblysy sotynyń baspasóz qyzmeti jaýap berdi, dep habarlaıdy QazAqparat.

«Qazirgi ýaqytta arnaıy qurylǵan komıssııa ishki ister organdarynan oqıǵanyń barlyq materıaldaryn talap etti jáne qyzmettik tekserý júrgizip jatyr. Tekserý nátıjesi týraly qosymsha habarlanady», -dep jazylǵan Jetisý oblysy soty baspasóz qyzmetiniń habarlamasynda.

Sondaı-aq, QazAqparat agenttigi oblystyq polıtsııa departamentinen aqparat surady. Olar bul oqıǵa týraly esh málimet bere almaıtynyn jetkizdi.

Buǵan deıin áleýmettik jeliler men BAQ-ta 15 shilde kúni Taldyqorǵanda jol polıtsııasynyń ekıpajy Toyota Camry 50 markaly avtokólikti toqtatqany jazylǵan edi.

Onda mas kúıinde kólik júrgizgen Taldyqorǵan qalalyq sotynyń tóraǵasy Úmbetaı Ábdilla bolǵany, ákimshilik quqyqbuzýshylyq týraly hattama jasalǵany aıtylǵan.

Іs aldymen Taldyqorǵan qalalyq prokýratýrasyna, sodan keıin Bas prokýratýraǵa berilgen.