Taldyqorǵanda qyzmettesine oq atqan áskerıge úkim shyqty

TALDYQORǴAN. QazAqparat – Almaty oblysy Qylmystyq ister boıynsha mamandandyrylǵan aýdanarylyq áskerı soty adam óltirý deregi boıynsha úkim shyǵardy. 2019 jyly jeltoqsanda óziniń basshysyn myltyqpen atqan kapıtan 12 jylǵa sottaldy, dep habarlaıdy QazAqparat tilshisi.

Sottalýshy QR QK 99-baby, kisi óltirý jáne QR QK 287-baby zańsyz qarý saqtaý men tasymaldaý derekteri boıynsha kináli dep tanyldy. Sot úkimimen burynǵy áskerı 12 jylǵa bas bostandyǵynan aıryldy. Ol óziniń jazasyn qaýipsizdik deńgeıi joǵary mekemede óteıtin bolady.

Esterińizge sala ketsek, 2019 jyldyń 26 jeltoqsanynda áskerı azamat óziniń qyzmettesin aýlasynda 16 kalıbrli sholaq myltyqpen oq atyp, basynan jaralaǵan bolatyn. 36 jastaǵy jaraly azamatty jolaı ótip bara jatqandar kórip jedel járdem shaqyrǵan. Kómek jetkenshe maıor óz aýlasynda kóz jumǵan.