Taldyqorǵanda qyzmet kezinde qaza tapqan polıtseılerdiń qurmetine eskertkish ashyldy
TALDYQORǴAN. 9 qarasha. QazAqparat - Almaty oblysynyń ІІD-de qyzmet atqarý kezinde qaza tapqan polıtseılerdiń qurmetine eskertkishtiń saltanatty ashylýy ótti. Táýelsiz el atanǵaly mundaı qaharmandar sany 20-ǵa jetti.
Memorıaldyq eskertkishtiń saltanatty ashylý rásimine qaza tapqandardyń týystary men jaqyndary, ІІM-niń ardagerleri, al qurmetti qonaqtar retinde - mılıtsııanyń general-maıory Ábdiqadyr Bolsambekov pen ІІM ardagerler keńesi ortalyq apparatynyń tóraǵasy, general-maıor Saǵynjan Asylkeneı shaqyryldy.
«Almaty oblysy qylmyspen kúreste árqashan aldaǵy oryndarda boldy, jáne granıt tasynda esimderi qashalǵan polıtseıler kúndiz-túni beıbit turǵyndardyń tynyshtyǵyn kúzetetin tártip saqshylarynyń aýyr kúnderi týraly eske salady», - dedi S.Asylkeneı.
