Taldyqorǵanda qyzdardyń tóbelesine qatysty tergeý bastaldy
TALDYQORǴAN. QazAqparat - Taldyqorǵanda 19 ben 27 jas aralyǵynda bir top qyzdyń tóbelesine qatysty tergeý bastaldy. Bir-birimen julysqan qyzdardyń jaǵaustatarlyq áreketteri vıdeoǵa túsip qalǵan, dep habarlaıdy QazAqparat tilshisi.
«Departamentke kelip túsken vıdeomaterıaldy tolyqqandy tekserip, oqıǵanyń Taldyqorǵan qalasynda mamyrdyń 18-nen 19-na qaraǵan túni bolǵanyn anyqtadyq. Atalǵan is boıynsha polıtsııaǵa eshqandaı aryz túsken joq. Jedel izdestirý is-sharasynyń arqasynda oqıǵanyń barlyq músheleri anyqtalyp, 19 ben 27 jas aralyǵyndaǵy kúdikti boıjetkender qalalyq polıtsııa bólimine jetkizildi. Atalǵan fakti boıynsha QR QK 293-babyna sáıkes is qozǵalyp, sotqa deıingi tergeý amaldary bastaldy», - dep málimdedi Almaty oblystyq Polıtsııa departamentiniń baspasóz qyzmetinen.
Aıta keterligi, jurtshylyqtyń ashýyn týǵyzǵan bul oqıǵa oblystyq Departament basshylyǵynyń qatań baqylaýyna alynǵan.
