Taldyqorǵanda kúzetshi kásiporynnyń qymbat qondyrǵysyn urlap ketti
TALDYQORǴAN.QazAqparat - Taldyqorǵanda energetıkalyq kásiporyndardyń birine quny 1 mln 157 myń teńgelik joǵalǵan jabdyq qaıtaryldy, dep habarlaıdy QazAqparat tilshisi.
Qalalyq polıtsııa basqarmasyna túsken aryzǵa sáıkes qondyrǵy jer jumystaryn júrgizý jáne asfalt kesýge qoldanylǵan. Kásiporynnnyń táýlik boıy kúzetiletinin eskergen tártip saqshylary tekserýdi birden jumysshylardan bastaǵan. Kúdik rastalyp, jabdyqty qoldy qylǵan kúzetshilerdiń biri ekeni anyqtaldy.
Tergeý barysynda ol bul qondyrǵyny metall retinde ótkizbek bolǵanyn moıyndady. Sondaı-aq 1974 jylǵy kúdikti kásiporyn aýlasyn tazartý maqsatynda artyq temir qoqystaryn jınadym dep aqtaldy. Qazirgi tańda sotqa deıingi tergeý amaldary bastaldy.
